Оқушы бойында функционалдық сауаттылықты, эмоциялық интеллектті, жиырма бірінші ғасырдың 4K машығын дамыту – орта білім берудегі осы ең озық бағыттарды EDU Stream эксперттері отандық ұстаздарға ұсынады.

2022 жылғы 23 тамызда ҚР Ұлттық кітапханасында Халықаралық EDU Stream білім беру компаниясы Express Publishing баспасымен бірлесіп отандық ұстаздарға арналған жылдық тамыздық конференция өткізді.

Биыл жарияланған тақырып – «Функционалдық сауаттылық сапалы білімнің тұрақты дамуының факторы». 400 жуық педагог, атап айтқанда – әдіскерлік бөлім басшылары, ағылшын тілі, француз тілі ұстаздары және бастауыш сыныптағы музыка пәні мұғалімдері шетелдік һәм отандық эксперттер тәжірибесімен танысты.

– Тамыздық конференция жаңа білім алу, біліктілікті арттыру тұрғысынан алғанда, педагогтарға пайдалы бола алады және солай болуы керек. Біздің конференция сағаттап бітпейтін жиналыс емес, біз инновация, білім, халықаралық тәжірибе әкелеміз. Және жыл сайынғы дәстүрімізден жаңылмай, отандық ұстаздар білім саласындағы әлемдік үздік тәжірибені алсын деп қазақстандық және халықаралық эксперттерді шақырдық, – дейді жоспарымен бөліскен EDU Stream бас директоры Наталья Мұхамеджанова.

Конференция үш секция бойынша: ағылшын тілі ұстаздары, француз тілі ұстаздары және бастауыш сынып ұстаздары болып жеке өтті. Қазақстандық мектеп педагогтары бала өмірде қолдана алатын қандай функционалдық сауаттылық құзырет керек және оны қалай дамыту керегін анықтады.

– Жарияланған тақырып, оқушы өмірінде еркін қолдану үшін, бойында эмоциялық интеллект, функционалдық сауаттылық және жиырма бірінші ғасырдың машығы 4K – коммуникация, коллаборация, сыни ойлау, креатив сияқты басты қабілеттерді қалыптастыруды көздейді. Аталған барлық озық машықты әдетте жекеменшік мектептер оқытады, ал біз оларды Қазақстан мектептеріне әзірлеген ағылшын, француз тілдері оқу-әдістемелік кешеніне және басқа оқулыққа енгізіп қойғанбыз, – деп толықтырды Наталья Мұхамеджанова.

Әлемдік деңгейде бәсекеге қабілетті бала оқыту жөнінен тәжірибесімен бөлісуге шақырылған эксперттер тақырыбы:

— «Ағылшын тілі сабағында функционалдық сауаттылықты дамыту». Эксперт: Боб Оби, Smiles 1 for Kazakhstan оқулығының авторы, Кембридж бен Express Publishing баспаларының ағылшын тілінен көптеген оқулығы мен ОӘҚ авторы, IELTS емтихан алушы.

— «EDU Stream компаниялар тобының әдеби оқулығы арқылы функционалдық сауаттылықты дамыту». Эксперт: Сайлаубекова Диляфруз, «EDU Stream» ЖШС даму және сараптама жөнінде академиялық директоры

— «21-ғасыр машығы: қалай, не үшін және кімге арналған?» Эксперт: Жантемірова Дана, «Сапалы Білім Баспасы» ЖШС директоры

— «Функционалдық сауаттылық: Қазақстан мен шетелдік тәжірибенің салыстырмалы анализі». Эксперт: Алыбаева А., «Сапалы Білім Баспасы» ЖШС әдістемелік жұмыс және инновациялық даму жөнінде жетекшісі

— «Гуманитарлық кезең сабағында эмоциялық интеллектті дамыту». Эксперт: Сағымбаева Г., Адамның гармониялық дамуы ұлттық институтының Даму және әдістемелік қамту департаментінің директоры

— «Бастауыш сыныпта 4К құзыретін қалыптастыру». Эксперт: Кайдакова В., «Өрлеу» АҚ Алматы қ. бойынша филиалы

— «Француз тілі сабағында оқушыда коммуникативтік қабілет қалыптастыру». Эксперт:  Фаизова Камиля, филология ғылымдарының кандидаты, Француз тілі ұстаздары қауымдастығының құрметті президенті.