«Әйелдер әйелдерге» жобасы аясында компаниямыз — «Edu Stream» орталығының директоры Наталья Мұхамеджанова басқаратын Алматының кәсіпкер әйелдер қауымдастығы, «MamaPro» қоғамдық қоры, «ICF-Kazakhstan» қоғамдық бірлестігі және Алматы Менеджмент Университеті (AlmaU) бірлесіп ерекше баласы бар аналарға өз бизнесін бастауға көмектесті. Қаңтар айынан бері жобаға қатысқан аналар менторлар, психологтар, заңгерлер жүргізген төрт айлық курстың көмегімен мемлекеттік тапсырыс порталында тендер жариялап, ұйықтағанға жайлы тактильді көрпе шығаратын шағын өндіріс, зергерлік бұйым өндірісін, инклюзивті және реабилитация орталығын ашып, тапсырысқа киім тоқып, қолмен тәтті жасауды бастады.

Жобаға 22 әйел қатысты. Ұйымдастырушылар 19 анаға жеке кәсіп ашуға көмектесуге, 3 қатысушыны жұмыспен қамтуға уәде еткен. Курс барысында 15 әйел бизнесін ашса, қалғаны өздерін өмірде қажет сезініп, ой-өрісі кеңейгенін, сенімді, жауапты, идеяға толы болғанын құпия сауалнамада атап өтті.

Дөңгелек стөл басына жиналған қоғам өкілдері мен Мәжіліс депутаты Ирина Смирнова «Әйелдер әйелдерге» жобасы бүкіл елде жүзеге асу үшін, Үкіметке таныстыруды ұсынды. Ұйымдастырушылар Алматыда бастау алған курсты күзде жалғастыруды ұсынса, Алматының кәсіпкер әйелдер қауымдастығының басшысы әрі «Edu Stream» орталығының директоры Наталья Мұхамеджанова қатысушыларға ағылшын тілін тегін оқытатын болды.

— Ерекше баласы бар аналар бастаған кәсібін ары қарай дамыту үшін, біз оларды қолдауды жалғастырамыз. Үнемі мемлекетке қол жая бергенше, көмекке зәру жанға дайын балық емес, қармақ бере алсаң, қолдан келгенді жасау керек, — деді ол.