EduStream-ге Брижит Бардо Жануарларды қорғау қорының өкілі Брижит Олуа келді
EduStream-ге Брижит Бардо Жануарларды қорғау қорының өкілі Брижит Олуа келді
Брижит Бардо қорының өкілі Брижит Олуа бір аптадан астам уақыт бойы Қазақстанды аралап, жануарлар құқығын қорғаушылармен, ресми тұлғалармен және экологтармен кездесіп жүр. Бүгін Алматыдағы «EduStream» білім орталығында «Жануарлар — менің достарым» атты республикалық балалар суреттері байқауының жеңімпаздарымен кездесті.
Брижит Бардо Жануарларды қорғау қорының өкілі Брижит Олуа Қазақстандағы үйсіз жануарларға деген көзқарасты қатаң сынға алды.
Байқауды Брижит Бардо Қазақстан президенті Қасым-Жомарт Тоқаевқа Қазақстандағы панасыз жануарларға қатыгез қарау туралы ашық хат жазған соң балалар омбудсмені Аружан Саин ұйымдастырды. Бұл идеяны Қазақстан Президенті, Дүниежүзілік қоршаған ортаны қорғау күнін мерекелеу аясында БҰҰ-ның қоршаған ортаны қорғау бағдарламасы, Білім және ғылым министрлігі, «Балалар әлемді суреттейді» қоғамдық қоры қолдап, «Edu Stream» білім беру орталығы бас демеуші болды.
2020 жылы локдаун кезінде онлайн форматта өткен байқауға еліміздің түкпір-түкпірінен 4 пен 16 жас аралығындағы төрт мыңнан астам бала қатысты.
Олар жан-жануарларға деген сүйіспеншілік туралы мейірімді, шынайы, жарқын және жеткілікті дәрежеде кәсіби суреттер жіберді, көпшілігі оларды жүрекжарды эссемен, бейнебаянмен сүйемелдеп, үлкендерді жануарларды сүюге, оларға қамқорлық жасауға шақырды.
— Креативтілік қашанда қоғамға көмектеседі, мен жануарларды қорғаумен айналысатын қозғалыстардың, соның ішінде осындай ауқымды байқаулардың бар болғанына қуаныштымын, — деп түйіндеді Брижит Олуа. - Біз оларға жан-жақты қолдау көрсетуге дайынбыз. Осы мақсатта Брижит Бардо Қазақстан Президентіне хат жазған еді. Сапарымның соңында біз Қазақстандағы жануарларды қорғау туралы заңнаманы жетілдіру бойынша ұсыныстарымызды дайындап, Қазақстандағы жануарлар құқығын қорғаушыларға қолдау көрсетеміз.
0
5848